網絡上看到一些斟茶好聽好說話
飲過女婿茶，富貴又榮華。
飲過新抱茶，好快做“麻麻”。
飲茶笑呵呵，好快做婆婆。
飲茶笑騎騎，好快做爺爺。
茶到口，財到手，買車又買樓。
飲深D，中三T。
戴過金介子，好快生對金童子。
金鍊戴上頸，好快住山頂。
飲茶到口，橫財就手。
飲茶到口，得心又應手。
戴囍戴囍，新娘好快有囍。
戴囍戴囍，戴過風生又水起。
飲茶飲到尾，年頭靚到落年尾。
金介戴上，三年抱兩。
一啖飲到尾，年頭賺年尾，買田又買地。
一啖飲到尾，青春又健美。
帶個大金牌，一世唔洗捱。
添一添，賺萬千。
飲過新抱茶，靚仔過劉德華。
飲茶飲深D，索過張柏芝。
還有﹕女家斟茶
爸爸﹕ 外父飲杯茶，生意單單大又發。
媽媽﹕ 外母飲杯茶，富貴又榮華。
大伯+大伯娘﹕ 大伯飲杯茶，身體健康無有怕。 大伯娘飲杯茶，打牌次次食三家。
姑媽﹕ 姑媽飲杯茶，金銀珠寶勝六福。
大表姐+大表姐夫﹕ 大表姐夫飲杯茶，新車好多架。 大表姐飲杯茶，身材fit過林青霞。
二表姐+二表姐夫﹕ 二表姐夫飲杯茶，贏馬易過飲啖茶。 二表姐飲杯茶，暗瘡唔會發。
表哥+表嫂﹕ 表哥飲杯茶，俊過劉德華。 表嫂飲杯茶，靚過呀嬌呀SA。
男家斟茶“麻麻”
“麻麻”飲杯茶，子孫好快一大班。
姨婆﹕ 姨婆飲杯茶，開心快樂慢慢嘆。
爸爸﹕ 老爺飲杯茶，富貴又榮華。
媽媽﹕ 奶奶飲杯茶，好快就抱孫做“麻麻”。
姑丈+姑媽﹕ 姑丈飲杯茶，打牌次次食三家。 姑媽飲杯茶，金銀珠寶勝六福。
舅夫+舅母﹕ 舅夫飲杯茶，新車好多架。 舅母飲杯茶，新屋買幾間。
姨+姨丈﹕ 姨丈飲杯茶，身體健康無有怕。 呀姨飲杯茶，靚到好似剝殼雞蛋。
三叔+三叔母﹕ 三叔飲杯茶，豐衣足食一樂也。 三叔母飲杯茶，暗瘡唔會發。
拉叔+拉叔母﹕ 拉叔飲杯茶，贏馬易過飲啖茶。 拉叔母飲杯茶，身材fit過林青霞。
感覺花一點點時間，可讓斟茶的過程愉快一些。
人選方面，一定要好好留意喔，要小心留意讀好說話的人是否會因怯場而導致忘詞。若然當日太緊張，便會有斟茶時有不順口的情況，這些便要靠個日經驗，自己“執生”了。
沒有留言:
發佈留言